Her Kime Kim Bir Nefes Işk

Her Kime Kim Bir Nefes Işk

Her kime kim bir nefes ışk selâm eyledi

Gönli ulaşdı Hâkk'a canda makam eyledi

Sevdi inayet anı buldı hidayet buldı canı

Canını ol âşıkın oda haram eyledi

Işk gibi kimiya bulmadı hiç Evliya

Âşık olan bi-riya nefsi gulam eyledi

Ol cihana gitmeğe cehd-ü cihad itmeğe

Canları esritmeğe ışkı müdam eyledi

Dar-ı belâ dur cihan renc ile genci nihan

Yusuf'a zindanı ışk dar-ı selâm eyledi

Ey nice ham Âdem'i ışk ile buldı demi

Nefse uyan puhteler kendüyi ham eyledi

Kimsene nefsi zebun kılmadı ey zü-fünun

Demiri od kaynadur ışk anı ram eyledi

Işk ile Musa kelim ışk ile İsa kerim

Işk ile Hâkk Ahmed'i bahr-ı kelâm eyledi

Maksudun Eflaki'nün bir nazar ile bugün

Kutb-ı cihan Mevlâna virdi tamam eyledi